امیر پازواری

شعر 2 | چِه مُونْگ، چِهْ خُور تیجِهْ، چِهْ روشِنْ روُجا

چِه مُونْگ، چِهْ خُور تیجِهْ، چِهْ روشِنْ روُجا

چِهْ حورُ، چِهْ پَریْ، چِهْ آدِمی، چه آدِمیزٰا

خُوبونِ جِهُونْ یُوسِفِهْ بٰا زُلیخٰا

حَیْروُنْ بِهْ تِنِهْ خٰال وُ خَطْ، آفرین بٰا

لَیله‌القدر شُو بییهْ مٰارْتِرِهْ زٰا

بِزا مٰارْ تِرِهْ، عَرشِ خِدٰا هُویدٰا

شِرابِ الطّهوُرْ بییه کِهْ مٰارتِرِهْ دا

فِرِشته دٰایِهْ بییهِ، شُورُوزْ تِرِهْ پٰا

نظرها

نظر بنویسید، اگر خواستید تصویر بگذارید، و به نظر دیگران پاسخ دهید. تصویر بزرگ پیش از ذخیره کوچک می‌شود.