امیر پازواری

شعر 48 | دِ تُرک و دِ جٰادوُ، دِبلابَوی مَسْ

دِ تُرک و دِ جٰادوُ، دِبلابَوی مَسْ

دِ اَرْدَرْ منی راهِهْ کَمینِهْ مه قَسْ

تیر وُ پرَ و پیکانْ، هِپِرازنّی شَسْ

تُرکْ مَسّْ و کَمونْ دِنی اَدی تُرکِ دَسْ

تُرکِ مسّه، چاچی به دَسْ اینه مَهْ قَسْ

نٰاوُک به شَسْ خَنْجِرْ هٰاوِسَهْ مه قَسْ پیوَسْ

مسِّ مسّه، تَرکِشْ دَوِسْ اینه هووَسْ

حَیْرونْمِهْ که مِنْ زِندهْ دَربُورِمْ ته دَسْ

نظرها

نظر بنویسید، اگر خواستید تصویر بگذارید، و به نظر دیگران پاسخ دهید. تصویر بزرگ پیش از ذخیره کوچک می‌شود.