امیر پازواری

شعر 82 | دُونا اُونِهْ که مَجْنِهْ زَمونه‌یِ چَمْ

دُونا اُونِهْ که مَجْنِهْ زَمونه‌یِ چَمْ

نٰادوُنْ اونه که خِرْنِه زَمُونه‌یِ غَمْ

دلْ غَمْ نَخِرْ تُو، اینه زَمُونِه‌یِ چَمْ

بارِ هِجْرِهْ که قامِتِ چَرْخْ بُونِهْ خَمْ

آرزو دارمه تَنْ به ته تَنْ دپیچِمْ

زَوُونْ به دِهُونْ، لُو به لُو هامکیچِمْ

امیر گِنِهْ: من ته حُسْنِ وَرْ بُوریجِمْ

ته مشکینْ کَمِنْدْرِهْ شه گِرْدِنْ دَپیچِمْ

نظرها

نظر بنویسید، اگر خواستید تصویر بگذارید، و به نظر دیگران پاسخ دهید. تصویر بزرگ پیش از ذخیره کوچک می‌شود.