امیر پازواری

شعر 168 | سٰاتْ بکردهْ مه دوست مونندِ قیر چیه؟

سٰاتْ بکردهْ مه دوست مونندِ قیر چیه؟

گردِ گلهْ باغْ، مشکْ و عَنبرْ چه چیه؟

هر کی وَلْگه ریزونْ، گل به دارْ بدییه،

وی دُوّنهْ که مه حالْ به کجهْ رَسیْهْ

پری وَچهْ، ته چیرهْ گِل مَچّیهْ

ته بالِ مرجونْ، داغْ ره مه دلْ دَچیهْ

تو شمع و مه تَن ته پَروانهْ دَجیهْ

پاکْ بَسُوتهْ ته داغ و نئوتی چیه؟

نظرها

نظر بنویسید، اگر خواستید تصویر بگذارید، و به نظر دیگران پاسخ دهید. تصویر بزرگ پیش از ذخیره کوچک می‌شود.