امیر پازواری

شعر 208 | نرگس دیمهْ سَرْمَستْ و مه جا قرین بی

نرگس دیمهْ سَرْمَستْ و مه جا قرین بی

چاچی دیمه تیرِ غَمزه ره به کین بی

لعلِ حُقّه ره دیمه دُرّ سیمین بی

شاهِ حَوْش ره دیمه که رو به چین بی

افعی دیمه گردِ گله باغ پرچین بی

زَنگی دیمه صد حلقه‌یِ چین به چین بی

گلْ ره دیمه که تکیه به یاسمین بی

اونوَختْ دُونستمهْ، سوره قَدِ مٰاه‌جبین بی

نظرها

نظر بنویسید، اگر خواستید تصویر بگذارید، و به نظر دیگران پاسخ دهید. تصویر بزرگ پیش از ذخیره کوچک می‌شود.