امیر پازواری

شعر 7 | عجب خشه که طالع کسی‌ره یاره

عجب خشه که طالع کسی‌ره یاره

هزار وله کار کنّه، دنی ورْ خاره

بی‌عیب به دنی خونن یکی خداره

مره ذرّه عیب، این‌که، دنی‌ره یاره

نازنین دوست دل، لنگرمه اختیاره

زمین بیته لنگر، به یک‌جا قراره

دوستِ دلِ سَرْ، مه دکون عطّاره

بعضی چیزها که وینه، اونجه در کاره

دوستِ مجشگاه، هر صواح رو کناره

معجر بکته، سیم و زر پاک دیاره

مه چش هر شو دریوئه، یک‌جا قراره

نی نی به گردابْ، شیرین بئیته جاره

ونه هکردن فکر نهم سماره

عجب بیستون بساته این سماره

نظرها

نظر بنویسید، اگر خواستید تصویر بگذارید، و به نظر دیگران پاسخ دهید. تصویر بزرگ پیش از ذخیره کوچک می‌شود.